Verbas Esquecidas en Monfero e Irixoa

Este blog é un traballo realizado polos alumnos de 1º de ESO do C.P.I. Virxe da Cela en Monfero, A Coruña. Cada alumno recolleu información no seu contorno: familia, veciños... sobre palabras que xa non se utilizan e con todas elas compoñemos un “dicionario de verbas esquecidas en Monfero e Irixoa”. Moitas de estas palabras aínda son coñecidas por algúns, pero en moitos casos refírense a tarefas, obxectos... que xa non se usan, por iso hai un risco de que se perdan nas seguintes xeracións.

Mostrando entradas con la etiqueta M. Mostrar todas las entradas

MARIPOSAS dos MORTOS

*Provincia*: A Coruña	*Concello:* Irixoa	*Parroquia:* Coruxou			*Aldea / Barrio / Lugar:* Lamela
*Nome do alumn@: Ana Pena Freire*			*Curso:* 1º de ESO	*Data da recollida:*
*Nome d@ informante: Mª Carmen*			*Idade:56*	*Relación c@ alumn@: Avoa*

VERBA: Mariposas dos mortos

CLASIFICACIÓN GRAMATICAL: Substantivo.

FONÉTICA: Mariposas dos mortos

SIGNIFICADO: Unha especie de vela que ten un corcho redondo cunha mecha que se introducía nun vaso de aceite para alumear a un defunto.

FRASE DE EXEMPLO: Cando morreu meu veciño, puxeron as mariposas dos mortos para que puidésemos ver.

CAUSAS DO DESUSO: A chegada da electricidade.

MOLIDA

*Provincia*: A Coruña	*Concello:* Irixoa	*Parroquia:* Coruxou			*Aldea / Barrio / Lugar:* Cepegal
*Nome do alumn@:* Sofía Pena Freire			*Curso:* 1º de ESO	*Data da recollida:* 8-10-2011
*Nome d@ informante:* Juan Manuel			*Idade:* 33	*Relación c@ alumn@:* tío

VERBA: MOLIDA

CLASIFICACIÓN GRAMATICAL: Substantivo feminino.

SIGNIFICADO: Peza de roupa, enrroscada en forma de círculo que se poñía na cabeza para levar a sella, etc.

FRASE DE EXEMPLO: Puxen a molida na cabeza para levar a sella á fonte.

CAUSAS DO DESUSO: Que agora non se transportan as cousas na cabeza.